سجن الفضا

ضاوي المزيد
خليني أبحر بين موق العين الأزرق والهدب
ان عشت في عينك غني وان مت في عينك غريق
أنا دخيل الجفن وإلا الرمش فكاك النشب
والا العيون اللي يحلل دونها دم الشقيق
يامنتها القالات والنخوه وفزعات العرب
الصمت قيعان الضما والخوف والرحمه بريق
يابنت ما جيتك مجرد تسليه والا طرب
جيتك بعد ضاقت عسا رحمتك عني ما تضيق
العج ثاير والنوايب دمها وصل الركب
تغرق بها الناهات ويصد الرفيق من الرفيق
أشتقت للتحرير من سجن الفضاء باهون سبب
قولي هلا بك عيش في عيني لوجه الله عتيق
شوفي غريب غاص به جوعه ووافق له شبب
ومن قبل لا يقري سلامه رحب الوجه الطليق
رحب وهلا واكرمه لكن باقي له طلب
تعطى له الشيخه وتنصب خيمته وسط الفريق
هذا مرام الشوف واطماعه ولن قلتي وجب
معاد يبقى من جروحي لا طفيف ولا عميق
وان كان ياكف الرجا شحك على جودك غلب
أو ميت لسراب الهموم اللي على قلبي تويق
وش حاجتي في شيلة العنقود لاجف العنب
حتى ولو قالوا على اللي فاقد عقله تليق
لقيت في سوق الحياه البيع باحلام التعب
ابا اشتري وابيع واشبع طق يالراس الحليق
ويا راحلة حظي لعلك للهيام وللجرب
اليا بركتيبي وأنا عطشان في نصف الطريق