تغريدات

ابدوي يزرع البيد صرخات ونخيل
لو تناسته الليالي على روس الرماح
كل ما شحت سحابه طعنها بالرحيل
لين يشرب دمعة الغيم من خد الرياح
عبدالله عبيان
المحبة مشكلة والصبر واصل حده
والله اني من غرامك كل يوم أعاني !
ما يذكرني غرامك لا بغيت أصده
غير حارس منفرد به ناصر الشمراني
وصل العطياني
بغتال انا كل المرايا على شان
ما اشوفني من غير ما المحك فيني
كانك سرقت الروح من جسم الانسان
باعيش طول العمر و انا احتريني
عبداللطيف آل الشيخ
وش يخفف هالوجع
في ضلوعنا لا من عمتنا دموعنا
غير المعاني الحانية بالذات !
ومن يسجل سيرة الإحساس فينا لو نسينا
ومن يذكرنا بسمو أرواحنا ساعات ؟
صالح الشادي