قلب معتل

بجاه العزيز الخالق الواحد الحي
أنا بوجهك يا إلهي من الذل
اضحك مع العالم وأنا منكوي كي
ما ابغى البشر تضحك على قلب معتل
وأشوم لو ان الزمن كتف أيدي
واصبر على الدنيا لو ان خيرها قل
ان طحت من عيني وجودي.. ولاشي
وش فايدة جسمي اذا العقل مختل
عن الردي يا قلب لا تتبع الغي
ولو حاولوا بالحل ...ما نيب منحل
عز الله اني مستند في جبل طي
ولو زلزلوا ضلع الجبل ما تزلزل
لي الفخر لو قلت ان الفخر لي
يكرم ضمير عن قلوب بها غل
وان شحت الغيمه على شربة المي
الله يصبرني إذا خافقي مل
انا أدري ان شمس الضحى تحرق الفي
مير القراده يازمن ما لها حل
ماني ..مجامل أو ..منافق لجل شي
وبعض العرب يضحك ولو كان منذل
وما ذل راسي يازماني وأنا حي
شيمة فقير ولا غناة بها ذل