بيوت القصيدة

يا كثر ما تشكي بيوت القصيده
وأنا وشعري والدفاتر والأقلام
من ميل حظي والظروف العنيده
والحظ مال وطاح وأبطى ولا قام
فكري تشتت ما بقاله شريده
وجسمي نحل واللي بقا جلد وعظام
أبغى السعادة مثل ناسٍ سعيدة
أطرد وراها لين تعبّت الأقدام
طال الأمل ما حقق اللي نريده
لا قلت له وين الوعد قال قدام
والصبر طوّل لين غلق رصيده
والهم بنى له عمارات وخيام
دنيا بها عشت الحياة الزهيده
هم وشقا وجروح وآهات وأوهام
مدري متى نبدأ حياة جديدة
ونبدل أيام الشقا بأحلى الأيام