قصيدة ” قيثارة القلب” للشاعر ” فهد الهباش “

قَسِّم على القلب يَا الشّريان مدري الوريد
قيثارة القلب تسألني على ( ناسها ) ؟!
••
‏ قيثارة ٍ .. كُل ما طلّ الصباح السعيد
‏ تسمع نَغَم عَزْفَها ب ( آهات جُلّاسها ) !
••
‏ بالهون بالهون يا اللي تنظمون القصيد
‏ ( ميّاسة القد ) قَدَّت فِكْر ( ميّاسها ) !
••
‏ لَبَّسْتَهاا من جنون البُوح ..( عقد ٍفريد )
‏ وجمّلتهاا في عيون الناس .. بِ الْبَاسها !
••
‏ لِين انكرتني ! ولا زلِْت ( القريب البعيد )
‏ يشكي جهَل حِبْرَها و أوراق كُرّاسها !
••
‏ حتى لو ان ركنه الهادي رصيده رصيد
‏ نفايس النُدَّر اللي مَ اصْعَب افلاسها !!
••
‏ يقطع بها البيد ويخوض البحر والجليد
‏ حتّى السِّمَا ساسها واقطارها قَاسها !!
••
يا شور راس العنيد الشُّور شور ٍسديد
‏ ( ساعة جديد الفرايد دقّت أجراسها )
••
‏ يا دُرّة البّوح .. ما راعاك خلق ٍ عديد !
كم شم وردتك ( جاهلهم ) ، وكم داسها
••
يا دُرّة ٍ ..! جيدها يطغى على كُل جِيد
معذور .. ملّا يذوق الشَّهْد مِن كاسها !
••
لو حسّو احساسها اللي كل ما ابطى يزيد
يجمع لها لولها .. ياقوتها .. ألماسها
••
‏ استقبلوها ب / قبلات ٍ الغلا ليل عيد
‏ قُبلة على / يَدّها ، قُبلة على / راسها !!
••
‏ يا وادي الصيد ما شفنا ب منحاك صيد
‏ ترى السباع الضّواري ضاقت أنفاسها
••
‏ شفنا حيود الجبل يرمى بها حيد .. حيد
‏ يرمي بها حيد حيد ..! ويشتكي باسها
••
‏ الله يعين الوحيد اللي ل جرحه ( وحيد )
لا طال حبس السجينة ( مَلّ حَبّاسها )
••
‏ دايم على اطْلالَ الاُنْس يقول هل من مزيد
‏ مَن ونّس أنفاس نفس ٍ نَفْس وِنَّاسها ؟!
••
أنا ملك بس ما له صيت مثْل [ الرشيد ]
في دولة ن صيتها مبني على ساسها
••
[ سفّاحها ] ما بناها الّا بِ نار و حديد
[ ورشيدها ] ذَكّر الدنيا ب [ عَبّاسها ]
••
مستشعر الشعرسولف بس ما ابغى نشيد
فضايح الهاجس اللي حُسْتَه وحاسها
••
‏ تبغاني امدح حروفك ؟ انت مبدع أكيد
‏ لكن ب تشكيلها .. وب رسمة أقواسها
••
مثلك مِثِل مَن هَبَد صَدْرَه وراحت هبيد
وابطى ورى طلعة ن ما احتال مِرواسها
••
فِي ديرة ٍ فارِح ن عسّاسها ب ( الزِّهيد )
‏ لا بارك الله في ( الدّيره و عسّاسها ) !
••
‏ مستعجلين المعايد ..كل يومين ( عيد )
‏ ( اثْيَابهم ) لاعبين لِعْب في .. قْياسهاا
••
‏ عسى العَوَض في جديد اللي قديمه جديد
‏ قصايد المبدعين الله على ( احساسها ) !
الشاعر : فهد الهباش