كم ليلة مرت

راح الزمان اللي حموله ثقيله
وأنا أتذكر فيه كل الذي صار
روحه بلا رجعه مساه ومقيله
تذكار يا وقتٍ تعديت تذكار
كم ليلةً مرت عليّه طويله
وأنا تقول إني على صالي النار
أسباب من حبه توقد فتيله
غال عليّه ما يقدر بالأسعار
حبه سكن في داخلي ما يبي له
أموت ما أدور بديله بالأقطار
عشرين عاما ليلة بعد ليله
وأنا على حكم المقادير صبار
اتقول ادور حاجة مستحيله
بس القناعة ما تغير بالأشوار
الآدمي ما ياخذ إلا حصيله
مسير ما هوب بالكيف يختار
وأنا أحمد الله دايما وانثني له
المانع الوهاب والنافع الضار