لا تحط ولا تشيل !

انا ماعاد ارجي من عيونك كثير ولا قليل==0==
==0==وماني مطالب فدوةً لك كل جهدي وتعبي
احتجت لك في وقت فيه الصد شيٍ مستحيل==0==
==0==وصديت ماكنك بوقتٍ قد مضى جيت تحبي
وانا فزعت وفزعتي ماني بسمّيها جميل==0==
==0==ذي عادتي ومن قبل لا أخلق عاده لجدي وابي
رميت واخطيت الهدف فلا تحط ولا تشيل==0==
==0==كبوه جوادٍ بينت راعي المحل والاجنبي
ابيك تدري يا كبير الجاه ان ماني سبيل==0==
==0==كبير جاهك بس انا ماني بعبد ولا صبي
انا اعترفت اني على ماقيل في حبك قتيل==0==
==0==لكن حبك لاهو حزامي ولاهو مزهبي
واللي قوا محمود تو الكعبه ومحمود فيل==0==
==0==واللي جعل ذالسالفه في عام ميلاد النبي
ان نور وجهك صار عندي يشبه الليل الطويل==0==
==0==وان الشحوب اللي كسا لمحات وجهك بسببي
انا رجل يعني صمود وهمه وحرب وفتيل==0==
==0==ومن فضل ربي حافظٍ أصلي وفصلي ونسبي
نبيل بعض احيان وان شفت الخطا ماني نبيل==0==
==0==اللي يهبي أجيه في وجهه واقول انت تهبي
واحكي مع العاقل بما لايعقل ويصبح هبيل==0==
==0==واللي يبي من قبل لا ينطق اعرف اللي يبي
لي جيل واصحب جيل واحقر جيل واغني لجيل==0==
==0==وامسي بوسط الاحمدي واصبح بوسط ابو ظبي
هنا انا باقي ولكن انت أبدى بالرحيل==0==
==0==قد كنت غاية مطلبي والحين منت بمطلبي
ماهوب انا اللي ينخذل ياصاحب الوجه الجميل==0==
==0==والله مالك قبلةٍ عندي ولو جيت تحبي