راس.. وجسم

بصمة

وغنيت من باب الشرس والحماقه
حبيت أبين من هجوسي وأخفي
ملامحٍ عن الأصدقاء والرفاقه
صديقي اللي له لسانٍ يلفي
ولو صملت مني نوى الانسراقه
أحسن يقفي عن طريقي وأقفي
مستغني بالله ولا هالصداقة
ورفيقي اللي ما يوقف بصفي
لا ينكتب بيني وبينه علاقة
فرقاه ربح وجيته ما تشفي
إلا الذي ما له على الشي طاقه
والا بعضهم للعلوم متلفي
ليا جاك حمل حط فوقه وساقه
كبير قلب وبالحياة متعفي
راسٍ خلقه الله في جسم ناقه
لا مولعٍ نار ولا هو مطفي
من حيث ما يصفق به الموج ساقه
سعد الأكلبي