للخير أبو متعب فتح كل الأبواب..

لا تعجبون من الملك لا اعتق ارقاب
عوايده ما هيب من توْ جاته
من والده صقر الجزيرة لها جاب
والليث أخذها وافيه من صفاته
يا كثر مدَّاته بلاعد واكتاب
ويا عظم عند الموجبه مكرماته
يا الله يا لمعبود يا رب الارباب
يا معطىٍ الحكم لاكرم ولاته
تحفظ مليكٍ ما قفل دونه الباب
امشرّعه للشعب من حسن ذاته
لا حارسٍ يمنع ولا استار واحجاب
هذا لك الله من جلايل سماته
ما هوب بدعه مير من همّة اعقاب
يندر ملك ذا الوقت سوىّ سواته
للخير ابو متعب فتح كل الأبواب
ما فيه يوم إلا تحس ابحلاته
الخير مقبل وابشروا ماله احساب
يطول حتىَّ نايمٍ في عباته
ينعم به الداني وينعم به اجناب
هو فيه شيءٍ والد الشعب فاته؟؟!!
البدو فيه امربَّعه حظَّها طاب
والحضر كُلٍّ لاقىٍ امنياته
بحكمة ورايه وافقه وجه ترحاب
عليه نورٍ وابتسامة رضاته
شعبه مع العالم دعوا له من ألباب
بعمرٍ طويلٍ يهتني بامنياته
جميعهم صاروا له أحباب وأصحاب
وذي معجزه بالفعل من معجزاته
مقدر أعدّد جود وافضال كسَّاب
لمداح والتاريخ يعجز رواته
مثل البحر يزخر بالانفال عبَّاب
جودٍ على جودٍ غزيرٍ مياته
مواقف بومتعبٍ فخر واعجاب
يظهر نجاح اسياسته من ثباته
انا اشهد انه طاب ثم طاب ثم طاب
الشعب يشكر له جزيل احسناته