صراع

والحقيقه ماعرفت لها طريق
عايشٍ محتار والحيره ضياع
مثل منهو بين امواجٍ غريق
ما قدرت اصبر ولا لي من يراع
وغاب نورٍ في عيوني له بريق
خايفٍ لو قلت عن سري يشاع
وان سكت القلب شاعل به حريق
من حبيبٍ ناقضٍ عهدي وباع
وحطم الآمال والعهد الوثيق
صدق الواشين محبوبي وطاع
ناس تقصد وصلنا يصبح طليق
ونهدم حلم العمر في ظرف ساع
حلم منه كنت ما ودي أفيق
كنت ابيه العمر كله في اجتماع
كنت ابيه الاهل عندي والصديق
راح عني لا سلام ولا وداع
واليوم جا ندمان يبغاني رفيق
واصبحت الأفكار عندي في صراع
والحقيقه ما عرفت لها طريق
صالح عبدالله القحطاني