شعر: حجرف الذويبي

ورقة قديمة

يقول ابن عياد وإن بات ليله
ماني بمسكين همومه تشايله
أنا ليا ضاقت علي تفرجت
يرزقني اللي ما تعدد فضايله
يرزقني رزاق الحيايا بجحرها
لا خايلت برق ولا هي بحايله
ترى رزق غيري يا ملا ما ينولني
رزقي يجي لو كل حي يحايله
جميع ما حشنا ندور به الثنا
وما راح منا عاضنا الله بدايله
نوبٍ نحوش القود من ديرة العدا
ونخزز اللي ذاهبات عدايله
خز بلا يدي ما دفعنا به الثمن
ثمنها الدمي بمطارد الخيل سايله
مع لابة فرسان ننطح بها العدا
كم طامعٍ جانا غنمنا زمايله
نكسب بهم عز وننزل بهم الخطر