هامة جبل

شفتي على كثر الألم والمصايب
هامة جبل ما هدها ألف إعصار
زادت مع بلواي عسر النوايب
صبرٍ على صبر عليه الزمن جار
صبرٍ امله وأحتري زول غايب
يمر بابي وإن دخل ما بها عار
مبطي عن الميعاد وصل القرايب
طوَّل وشوقي له قطع حبل الافكار
ليتك كذبت وقلت إن إنت ذايب
وإن إنت راجع وانتظر منك الاخبار
ما بين وعدك والجفا للحبايب
يكفي تمنيني وتوعد وأنا أحتار
شف كبريائي كيف نوَّخ ركايب
نوَّخ ذلوله وانتحر بعدما انهار
شف خيل حظي كيف ولَّت نهايب
عشرين صهوة غادرت سِدة الدار
ما اقساك بختي عشت معك العجايب
ما أقساك بختي عقتني عوق جبار
شفني أحودي قامتي مثل شايب
أو مثل طيرٍ صابته طلقة النار