محاولة لتعريف الحب

أحيان أشوفك كل شيٍ بها الكون
واشوف كل الكون دونك ولا شي
واحيان أحس ان الغلا فيك مفتون
وان الليالي منك تستعذب الضي
مدري عيونك ليل أو ليلك عيون
وانت الهجير برمشك يعانق الفي
ومدري القصايد فيك وش ممكن تكون
لا صرت صفحه ما لها بالغلا طي
لو ما بقى لي في سما وعدك مزون
باخذ ظماك العذب واسقي به المي
وان كان ليلي يقتل الشمس بالهون
فانت النهار اللي بليلي بقى حي
ما ابيك تسأل كيف انا احب وشلون
الحب كله فيك أنا أشوفه شوي
يكفي اشوفك كل شيٍ بها الكون
واشوف كل الكون دونك ولا شي!!