أبو متعب اللي عند شعب الوطن غالي

الا يا الله المعبود يا عالم الاسرار
يا رب خلق خلقه لطيفٍ بالأحوالي
عظيم الجلال الواحد الرازق الجبار
كريم وجزيل المد للعبد لاسالي
ومن بعد ذكرك انت يا الواحد القهار
أسألك توفقني لزينات الأمثالي
بعدما سمعت العلم في نشرة الأخبار
تكدر ضميري من كلام للانذالي
كلامِ وتخطيطٍ من معمَّر الثرثار
ردي النوايا راعي القيل والقالي
وفاضت قريحة خاطري وابتدى المشوار
مشوار أوضح فيه علم على بالي
اوضح فعايل سيدي وافي الأشبار
ابو متعب المنعور واحط معدالي
معدالي على قولي ولا ينقصه مقدار
كلام صحيح ما نقص ربع مثقالي
فعايل طويل العمر تبقى لنا تذكار
وفعايل راعي العلياء تدرس للاجيالي
ابومتعب المشهود له بالثناء والكار
مقامه رفيع ومنزله دائم عالي
ذرا المملكة هو درعها حزة الأخطار
يصالي المشاكل دونها ما هو بسالي
يوقف وياقف ويتحمل ولا يحتار
ويقمع خبيثين النوايا والأعمالي
ويا قف وتاتي له كبار العلوم صغار
يدوس المخاطر فالمواقيف ويصالي
عضيد الفهد واخو الفهد لا رقب البتار
ابو متعب اللي عند شعب الوطن غالي
ابو متعب اللي دونه بترخص الأعمار
من دونه نسوق العمر والحال والمالي
فعساهم افدا له كلهم زمرة الاشرار
وعسا الله يصيب اهل الحيل والتحيالي
مهدي بن مسفر بن عليان القحطاني