سنين الفراق

الجرح يزداد في قلبي وأنا اشيله
وعهدٍ عليّه لاموت وباقٍ فيني
جرح المحبه يهد الحيل من حيله
لا حل فرقى الحبايب يا نظر عيني
حسبي على الحظ شفت المر من ميله
ولا لي بحظٍ تردى بينك وبيني
كثرت سنين الفراق وطوَّلت ليله
وقامت تهل الدموع وتمسح يديني
عزي لمن طب بحر الحب يا ويله
يصبرعلى قولته وينك وانا ويني
يا جمل حياةٍ لعمر حل ترحيله
يا صدق بيوتٍ رسمها الود بيتيني
فيك الأمل فيك باقي لو وقف سيله
فيك الرجاوي حبيبي دوم تحييني
انت المنى والهوى باسمك مواويله
وانت الفرح لا جمعنا ربي اثنيني
انت النهاية وغيرك صعب نمشيله
فينا الوفا يا حبيبي حبله امتيني
ابيات حبك حفظها الوقت مع جيله
يا جمل سنين الحياه وباقي سنيني