جاذبية

أصابعك ما هي بكفك سوية
ما يستوون الناس لا تظلميني
واظلمك لو باشبّهك بالبقية
من يشبهك يا بعد قلبي وعيني
بعلن عليك الحب ما هي خطية
وش فيه لو بيّحت خافي كنيني
ردي السلام وشرط لا ضرب تحية
مدي اليمين اللي تصافح يميني
ولهان احبك والمحبة بليلة
يا كبر شوقي لك ولوعة حنيني
نذرت لك قلبي وروحي هدية
يابنت حبك صار مطبوع فيني
لا تبعدي احس بك جاذبية
واحساس صادق حيل بينك وبيني
كثير ماهو يا حياتي شوية
احس به من كل جهة محتويني
شوفي جروحي في غيابك ندية
ودواك لي. لمست يدينك يديني
لا تتركيني بين روحة وجية
ويش الذي يمنعك حتى تجيني
وأنا لاجلك جيت في طيب نيّة
وعطيت لك عمري وباقي سنيني