توبوا عسى الله يقبل العبد لا تاب

الشعب كله يا وطن ضد الارهاب
والمملكة والفهد فهد العروبه
فهد فهد لا كشّر الليث بالناب
على العدى سم الحنش والعقوبه
شجاع وسياسي ويحسب له حساب
في صفحة التاريخ فعله حكوبه
فخر العروبه للعرب درع وحجاب
اليا تناخوا عزهم وانتخوبه
منه الدول ترتاب ما هوب يرتاب
من هيبته هابة إدول مهيوبه
هذا فهد حلال فكاك الانشاب
صعيب راس ولا يعرف الصعوبه
حامي حمى البيتين للضد حراب
كسر الضديد اللي لبس غير ثوبه
طب القلوب اللي خذت نهج الاغراب
نهج مخالف والوطن ما وفوبه
خانوا وطنهم وهدروا دم الاصحاب
تحليل دم العسكري فيه حوبه
توبوا عسى الله يقبل العبد لا تاب
الموت بعد الموت ما فيه توبه
حنا حماة الدين ما عنه مجناب
نحمي الوطن من شر ناسٍ ثعوبه
والامن نعمة من فضل رب الارباب
الله يديم الامن واللي مشوبه
حكامنا آل سعود حامين الاقطاب
شرقه وغربه والشمال وجنوبه
بالسيف الأملح منهج الحق ما غاب
ما دام فيه العدل والحق جوبه
نهج الشريعة نهجنا بأطهر كتاب
سنة نبي العالمين اقتدوبه
هذي نصيحة قلتها تحمل عتاب
للي تبع له شرذمة غرروبه
خاب وخسر من يتبع الشرذمة خاب
لا لا تصدقهم على ما ادعو به
خوارج شذوا بلا علم واسباب
وافكارهم صارت عليهم عقوبه
هذا الوطن والدين تفديه الارقاب
ارضٍ نزل فيها الوحي واهتدوبه
حنا سبيع وكلنا ضد الارهاب
والمملكة والفهد فهد العروبه
مسلم بن محمد الأزمع ابو ثنين