أبغى التجاره

ابغى التجاره لكن ماني بوياها
ما أخبر ولا يوم لدت بالنظر فيه
معرضتني مقفاها وعلباها
معناة مالي من الدنيا ولا شيه
تضحك لغيري وله حلوه وما احلاها
وانا تقابلني ببغض وكراهيه
عجزت لا أعرف لها وعجزت لا القاها
شوتني الشمس والرمضا برجليه
وغيري تجيله وهو مرتاح ما جاها
ليله نهار ونهاره بردٍ وفيه
ما هو دارٍ عن الدنيا وممشاها
ولا كيف خلقت ولا وشلون مبنيه
ولا مسته حاجة الدنيا وعاناها
ولا نشف ريقه ظمأ من قلة الميه
ولا يدري الشمس هي من وين مبداها
ويحسب روحه مدى الدنيا وهي حيه
ما شاف من لمها واقفى وخلاها
عليه دارت مدار الشمس للفيه
في ساعة حاتمه نفسه تحراها
يلقى بها ما عمل من حسنه وسيئه
يسرى بسيئاتها ويمنى بحسناها
ويل اليسار ويمين الخلد يا هنيه
هاذي معناتي وهذه معناها
كان القصيده بمعنى الشعر معنيه