صديقي الصادق

قالوا علام الحال ما هي ولابد
شكلك تغير وأبيض الشيب باني
يدك ما هي عاده تحطه على الخد
شارد ذهن تحتار فيك المعاني
والبسمه اللي بالمحيا تبدد
تضيع ليا مرت بسرع الثواني
حتى عن الغالين جنبت وتصد
مفقود وينك بالفرح والتهاني
متوتر تجري مع الجزر والمد
واللي يعرفك صرتله شخص ثاني
أشرح لنا يمكن نساعدك بالغد
بالمال ولا في دروب الحناني
قلت الله اللي عالم الحال ويرد
للي خذا وقته جميع الأماني
شكوى لغير الله مذله وتلهد
أرجيه يومنه جفاني زماني
عايش بها الدنيا محافظ على السد
والآدمي لو عاش فتره وفاني
والله ماشكي حالتي للمقرد
اللي خطر ما خترت أنا درب ثاني
نفسي على درب المعزه تجدد
لو به يحطون الثلاثه ثماني
نفسي على درب المعزه تجدد
لو به خطر ما خترت أنا درب ثاني
وشكري وتقديري لمن ينشد بجد
عن خافي أحوالي بصدق وتفاني
صديقي الصادق تبين لي الود
من كل قلبي له عظيم امتناني
أسعد بشوفه يوم أشوفه ويسعد
وإن غبت عنه يزورني في مكاني
راع الوفا في حاجتي ما يتردد
لو أطلب عيونه قلعها وعطاني
ما نساه لين الرمل من فوقي يهد
وشلون أبنسى واحد ما نساني
يا الله جعله ما يرى يوم أسود
دعوه لبو ناصر نطقها لساني