لصاحب السمو الملكي الأمير : عبد الرحمن بن عبد العزيز آل سعود

قصيدة مهداة

قالوا الوفاء قلت أبوتركي محلّه
قالوا الشهامة قلت لبسه ويزهاه
قالوا الشجاعة قلت ذي عادة لّه
له ماقف يشهد به اللّي تنصّاه
صقر تنهّض من مواكر هل لّه
له هدّة يشبع بها اللّي ترجاه
ياناس والله مانشوف المذلّه
وحنّا برجوى اللّي عسى الرب ياقاه
يامير خلق الطيب فيكم جبلّه
يامن بك الخايف ليا عمست أرياه
يامير من مثلك علينا ذرا لّه
يااميرنا اللّي دوم نسعد بطرياه
يامير من غيرك نجي تحت ظلّه
عن حر صيف يابسات طواياه
يامعدّل العايل وحزمك دوا لّه
وأنتم عمى للّي تخبط بممشاه
معدّي بن ناصر البقمي