بصمة

ليتك تعيش بواقع الحب لو يوم
والا تشوف لو ضعنا ذا نهايه
بالحب أنا يا غاية النفس مظلوم
محتاج يالغالي لعطف ورعايه
لي السهر ولعاذلي لذة النوم
من شان حبك ما سهرنا هوايه
ما صابني من نظرة العين مقسوم
أسير حبك لا تحطم رجايه
ماكل عين تجرح القلب بسهوم
وما كل من يرمي يجيد الرمايه
أنشهد إني منك يا زين محروم
معك إبتديت وفي هواك النهايه
فات الأوان ولا تزيدون باللوم
الصبر بيدي يوم قلبي معايه
بالاسم والمعنى وما قلت مفهوم
يا شمس عمري يا بدر في سمايه
عبدالله عبدالعزيز العليوي