وياكثر ماهب الجنوب وذكرته يملي حضوري من حضوره وأنا أغيب وياما غيابي في غيابه حضرته إن جا مطر صارت له ضلوعي شعيب وإن راح ريحٍ طيّر اللي بذرته جنبت لو مالي عن الدمع تجنيب من وين ماهج بجروحي شعرته واصمتي اللي صار بعيونهم عيب واجرحي اللي لو فضحني سترته لي صاحب يملي كفوفه تراحيب لولا الحيا من ضحكته ماعتبرته ويا صاحبي ماهي عليّ مقاضيب عذروبي انك ذخري اللي ذخرته عذروبي أنك شوهتك الأكاذيب عذروبي أنك جاك طيب ونكرته إن جيتني بفراق زود العذرايب أجيك أنا من زود صبرٍ صبرته للطير جنحانٍ وريش ومخاليب لكن يضّيع صيدته في غبرته من جزم نفسي يوم صار الردى طيب حلمي قبل لايكسرونه كسرته ومن راح مني قلت ياعله مصيب دورت له عذر كريم وعذرته للي يبي بعدي انا ماني قريب هو ماربحني وإلا أنا ما خسرته قلبي خويي ما لقلبي معازيب اللي حقرني من رداه احتقرته رغم الجروح اللي بقلبي معاطيب حبيت كفين الزمان وشكرته - سعد الحريّص
