ماطا الذيب

يا بعد كل القصيد ويا بعد عمر أحمد
أبشري بالشعر واللي يطربك بلحونه
أنتي اللي كل ما شفتك وقافي يجمد
مثل جني شاف ماطا الذيب قبل عيونه
ولو كتبت بغير حسنك هاجسي ما يصمد
بيت وإلا اثنين والغالب مهب موزونه
وضاع شعري بين نارٍ منْك أبد ما تخمد
وبين يطلق رمعته في خافقك ويخونه
لكن بصدري جريح ولمسة ايدك تضمد
طبطبي في خاطره.. نسّيه كل شجونه
واسألي عقلك.. ترا الحكمة طبيعه تُحمد
وادري البنت الفهيمه، تعتبر مجنونة
مير في زينك سيوف انْ شهّرت.. ما تُغمد
والله العالم وش اسلاح العدو وطعونه
بذكرك طول الزمن حتى عروقي تهمد
وأذكريني لا سمعتي شعر يالمزيونة
كاتب اقصيده من أجمل ما كتب فيك أحمد
وأحفظي قبل انتفارق كيف أشيل لحونه