مرحوم يا نايف عسى الخلد ماواه

قصيدة مرثية قالها الشيخ/ خالد بن مشعان بن فاجر بن شليويح العطاوي في أخيه الشيخ/ نايف بن مشعان بن فاجر بن شليويح العطاوي - رحمه الله - وأسكنه فسيح جناته.
يا الله ياللي كل الأمة ترجاه
أجبر عزانا يا الإله القريبي
نايف رحل عنا وقفّت مطاياه
نبكيك يا نايف شبابٍ وشيبي
مرحوم يا نايف عسى الخلد ماواه
اقبل دعانا يا المجيب القريبي
عز الله إنا يالقبيلة فقدناه
رجل الشجاعة فالزمان الصعيبي
رجل الشجاعة كلها من مزاياه
ما هو بخوافٍ ولا هو رعيبي
رجل الكرم والدين غاية مزاياه
والله على ما قلت والله رقيبي
يارب تغفرله وتمحا خطاياه
عساه فالجنة كبير النصيبي
عساه فالجنة مقره ومثواه
وفي ذمة اللي سائله ما يخيبي
لو فنيت الدنيا حنا ما نسيناه
فقداك يا نايف علينا مصيبي
نايف طويل اذراع أنا كيف أبنساه
لطام للعائل نحاز الحريبي
وجدي على نايف وجداه وجداه
يارب تغفر له ورب استجيبي