لجل عينك

يا حبيبي تراني عن ذنوبك عفيت
شاملٍ مابقى في العمر واللي مضا
شوف كم لي وانا متألم ولاشكيت
صابرٍ لجل عينك صبر عوص النضا
يا وجودي على أيامٍ قضت ما دريت
وجد من ضاع عمره تحت حكم القضا
ربع قرنٍ لاهو حيٍ ولاهوب ميت
بين طلبه وجاهيّه ولا أحدٍ رضا
راحت أيامي الحلوه كذا كمبليت
مثل روحت دخاخينٍ بجو الفضا
والله أنّي على طول الصبر ما قويت
كنّي الساعدين اللِّي بليا عضا
خنت عهدك وفي وعدك معي ماوفيت
فوقي الشمس تحماني وتحتي لضا
كم تجي كلمةٍ في خاطري واستحيت
صامتٍ صمت رسلانٍ بجمر الغضا
ذكرياتك كفيله تشعرك لانسيت
واشهدنّه حضيض اللي بمثلك حضا
- الشاعر/ عبدالرحمن أبا الجيش