أنا و الهواجيس

سج النضا بالمطارق والمشاعيبي
هن ودهن كل روضٍ زين يرعنه
وهم ودهم المساء عن المعازيبي
يوم انتهى كل ما بالخرج والشنة
تواعدوا بيت نطاح المواجيبي
شيخٍ صدى صوت نجره كل ما دنه
يقنب بروس النوازي قنبة الذيبي
يرخص خروفه ولا يبخل على بنه
ويشكر ويذكر ليا عدوا هل الطيبي
تريحن وأمرحن يومنهن جنه
وأنا الهواجيس تسرحبي وتسريبي
راحن بقلبي ولا أدري وين ودنه
أخذت في جوهن غفوة وتغييبي
سجيت معهن على فلمٍ يعرضنه
عن غيب بعض القرايب والأصاحيبي
إبليس لولاه كل الناس بالجنة
لكن يلعب بنا راع التلاعيبي
يا شين بعض الأوادم لو ضحك سنه
يضحك بوجهي ويشذب في عراقيبي
واللي ليا غبت غوجه للطرد عنه
وجرد سيوفه عطيبات المضاريبي
هجرت كل الدروب اللي يمرنه
أخير لي من مجيه، عنه تجنيبي
ولو ما أقتدي في كتاب الله والسنة
خليت كلٍ على دينه يصلي بي
- عبد الله بن زويبن