الغلا لك يابو متعب بالصدور

جعل ما صابك يابو متعب طهور
بأمر من ينشي مراويح السحاب
ماحكم مثلك على مر العصور
ليت ترجع سيدي توك شباب
والله إنه ماحصل منكم قصور
ياسليل المجد يادمث الجناب
الغلا لك يابو متعب بالصدور
مادعينا لك لعله يستجاب
خادم البيتين يالرجل الجسور
جعل قلب مايحبك للذهاب
كل شعبك حاملٍ نفس الشعور
بالدعاء لك بالذهاب وبالإياب
يامليك العرب يالشهم الغيور
حكمتك تجلا عن العين الضباب
تجمع اللي بينهم دايم نفور
وسط بيتٍ من يسأله مايخاب
انت واخوانك طويلين الشبور
من زبنكم والله انه مايهاب
شوفتك تبعث على النفس السرور
اطلب الله ماتطول بالغياب
بشرونا ثم زاد النور نور
بالسلامه لين طاب الكيف طاب
يشكر الله كل رجال شكور
نشكر اللي خالق آدم من تراب
كل مادونت واضح ومخبور
جعل حبك دلني درب الصواب
ماكتبته مقصدي حب الظهور
بس اهني سيدي دمت الجناب
النقيب/ حافظ بن صالح ال حافظ