شاعر وأكثر من صورة

أحمد الجريفاني

سرى حبك الدافي كما الدم بعروقي
عسى ما يجي يوم تحسين بفراقي
وهبتيني اضعاف على كامل حقوقي
وش اجزيك يا حلم سكنتي بخفاقي
القصيدة
القصيدة تبي متفرغ للقصيد
تبي منهو ليا من شال غنوا معاه
تبي من هو يجي وقته على مايريد
لا نوى يسهر اصطفت ربوعه وراه
أحلام
ودي لو انه طاوع الوقت ودي
عنيت لم اللي عيونه حنونه
لكن زماني قال حدك وحدي
عزي لمن مثل زمانه يخونه
تميز
ماانت بشبيه البدر يامشغل البال
البدر ماله طلتك ياحبيبي
البدر في تالي الشهر يصبح هلال
ويغيب وانت بناظري ماتغيبي