فتنة العاشق

اطربي يا نور شعري ويا نور الشعور
القصايد في عيونك تشاف وتنقرا
النواعس يظهر السحر فيها بالفتور
تسرقين القلب من شاعرك هو ما درى
والشعر يضفي على الجيد شرهان وغيور
فتنة العاشق.. وحيرة عيون اللي يرى
يختلط في وجنتك لون نار وضوح نور
والجمر ما ذوّب الثلج لوهم اقصرى
والله إني لو أعاند الغير معذور
ما عليّه لو يقولون فالوصف افترا
إن كتبت الشعر في غيرك الشعر مهجور
وإن كتبت الشعر في الجرح.. جرحك ما برى
ياخذك في مركب الشعر في كل البحور
الشهر يسري ليالي وليلك ما سرى
وبكتبك في دفتر العشق عنوان السطور
أنت وحدك دون غيرك وهذا اللي جرى
الشاعر/ عبيد بن محمد الأزمع