ياجماعة كيف الأزرق مايفوز والفرق من هيبته تلعب دفاع للبطولة اصدر القاضي نشوز لين طاعت للأوامر بانصياع من خطبها قلنا هذا مايجوز الهلال اولى بها وامره مطاع صفحة التاريخ تكتب لك رموز في سجلات الذهب قبل الضياع المشاعر بالفرح قامت تنوز ثم صارت بالسما مثل الشعاع حب الازرق مانبيعه بالكنوز من عرفته فوق راسي مايباع العتيبي للشعر يبرز بروز يمسعه من كان في شتى البقاع لو بغيت انظم قصايد ماتعوز للهلال أبدعت قدر المستطاع سعد نهاض ماجد العتيبي الاتصالات السعودية *** جابها عم النوادي هيه يالي طامع يبغى الكأس الجديد انت ياللي تبغى الكأس من دونه رجال دون ماتبغون ناس يفكون الحديد دونه الموت الحمر دونه رجال الهلال بالبطولة والذهب كل يوم في مزيد جابها عم النوادي وللكيسان شال صار هو عم النوادي وهم عنده عبيد وكل طالب له معلم يعلمه المحال الدعيع حارس القرن للنادي رصيد حارس عملاق معروف يضرب به مثال والدفاع اثبت وجوده على الكايد يكيد يقطع الهجمات والخصم ماجاله مجال والهجوم اعلن تحديه واشعلها وقيد لانزل الازرق يصيب الخصم منه جفال من الهدف تصرعوا كن حاشرهم مبيد نلتزم بالفوز لعيون جمهور الهلال دون ماتبغون جمهورنا يرعد رعيد ويترزم مثل ماترزم قنوف الخيال من الفرح حتى النخل قام يلعب بالجريد ينتخي ويقول تكفون ياقروم الرجال قالوا أبشر بالسعد سعد من ناله عضيد نشرب الفنجال لمن ومر راعي الدلال قالها ماهيب مره يرددها تعديد مايشيل حمولها لتثقلت غير الجمال اسألوا عنه النوادي من أمواجه هميد والملاعب تشهد الفن نادينا الهلال وأكتسينا بالذهب والبطولة في مزيد جابها عم النوادي وللكيسان شال مبارك بن محمد آل عمار الدوسري ******** هيبة وعادة بمناسبة فوز نادي الهلال بكأس الكؤوس العربية الحادية عشرة: هذا الهلال اللي على الفوز معتاد هذا الزعيم اللي يقولون وينه له هيبة يرهب بها كل الاضداد وارجال تصدق فعلهم خابرينه الفرق واضح كل يوم ويزداد بين النوادي والأسد في عرينه الهلال ماله عن مشاهيه رداد زعيم فوق الكل يمشجعينه حقيقة بانت على روس الاشهاد في ليلة تاريخها حافظينه ليلة خميس وخير وبرق ورعاد كأس الكؤوس اللي بقى جايبينه اهلالها زاد المسافة والابعاد بين الوطن واللي ترى امنافسينه شلهوب موهوب لعب كيف ماراد وصاه ذيب غاب يافاقدينه نواف والجمعان للباب جلاد له شوتةٍ حراسها خايفينه وجمهور لون الموج ويهز الإستاد واضعافهم في كل بر ومدينه وابختصر قولي عن اهروج نِقاد كبت المشاعر صعب يالايمينه قول المثل معروف من عصر الاجداد لعب الكعابة غلبة فيه شينه فهد بن عقيل الطويان بريدة
