جاذبية وانعدام

الشاعر عبدالله العنزي من الأسماء الشعرية المتميزة، وهاهو يخص (مدارات) بشيء من إبداعه:
حام فكري مثل حرٍّ هدّته من فوق غيمه
ردته عزة مكانه وارتفع خشمه وحام
خام تشعاك الليالي ممطره وبلٍ وديمه
ارتوت كل الغصون الممحله والقلب خام
دام جاذبك الغياب تموت ذكرانا حميمه
اعدمي كل المشاعر نعمه إن الراس دام
عام واحد في غيابك أشتكي حالي أليمه
أشهد إن العام بعدك ينحسب مليون عام
نام طرفي ما صحيت إلا بطعناتي مقيمه
عازفه لحن الخفوق وساريه ذاك المنام
التمام انك تعدين العطاء قدرٍ وشيمه
منك يا جَزل العطايا جرح والحالة تمام
قام حظك يالجروح التالية دايم عظيمه
والعزاء لك يا جروحي صابره والحظ قام
رام قلبي للمواجع يوم صرتي مثل ريمه
قالوا إن الطبع غالب عودت ريمه ورام
انعدام الوزن والتفكير والفرحه يتيمه
رحت من حاله لحالة جاذبية وانعدام
الهيام بقلب واحد قسمته ما هي سليمه
اضربه باثنين تسمع حنّته صوت الهيام
خاطمٍ ذاك الزمان وشاربه كني نديمه
ما يهد الصعب دايم غير مفعول الخطام
السلام ولا ذكرتي عندك اخباري قديمه
أنتظر ساعة ترد الصوت والدنيا سلام
الشاعر- عبدالله بن سعود العنزي