الرجال أفعال

والزمن ما علّم البخل العطيّه
وباخص الدنيا يقود ولا يقادي
والصواب اللي يعلّمك الخطيّه
والردي وجهٍ كريه النفس غادي
عن ايدينك يالرّدي تكرم ايديّه
والنوايا بالصّدور وبالفوادي
والصلاح بلحمةٍ بالصّدر نيّه
هيه يا صوتٍ من البارح ينادي
بين خلجان الغلا والمقدريّه
نخلة التاريخ تنبت من بلادي
نخلةٍ صارت لها الدنيا هديّه
الوفا في ديرتي ما هو بعادي
من مهاد الطفل لاحد المنيّه
بين كفّينه رجالٍ للهجادي
ولاجل عينه لو تموت الروح حيّه
والرفيق اللي انوّخ له ودادي
ما عليه من الزمان وما عليّه
الجواد يجيك من ظهره جوادي
والحديّه ما تجيب إلا الحديّه
عل غصنٍ ما يجي ظلّه برادي
تقلع جذوره قبل يظهر خويّه
ألف علم وألف درب وألف وادي
كلها مرّت من البارح هنيّه
الأمير الشاعر/د. سعود بن عبدالله