من الذاكرة

ما ولّعه طرد العماهيج واغراه
ولا صلاه من التصاريف صالي
وذاق الفراق وتاه مثلي بمسراه
سليمان بن شريم
لا جزيت بخير يا ذاك الشعيب
كل ما مرّيت من عندك بكيت
أذكر اللي قد مضى وانحب نحيب
ليتني باقصاك ما بعت وشريت
أحمد الناصر
إن غاب جتني علتي من غيابه
لين الجروح الخافيه يظهرنِّي
وإلى حضر عزّيت روحي مهابه
ما ودي العربان يدرون عنّي
محمد بن ناصر السياري
من قبل شوفي له وأنا كان اباتوب
ومترّكٍ عني هوا تلع الأرقاب
هايف حشا عنقه كما الشّاخ مسلوب
والردف عزّالٍ لوسطه وجذاب
محسن الهزاني