بشروا روضة خريم وبشروا قصر اليمامه وارفعوا باسمى تهاني مجمل الشعب السعودي البلاء ولى وعاد النور واتبدد ظلامه والفرح عم البلاد من الحدود الى الحدودي حزةٍ فيها ظهورك يابو متعب بالسلامه يوم يعلن عن زوال الشر جعله مايعودي كل واحد ترتسم على محياه ابتسامه من تلقينا الخبر وأفراحنا زودٍ بزودي طلتك تشبه نهار الوسم لطلت غمامه قبل لاتسقي جفاف الارض تسقي للكبودي نبتهل بين انتهاء صوت المنابر والاقامه بالركوع نعظّم الخالق وندعو بالسجودي الله يديمك بخير وعافيه والعز دامه ياسناد اللي تعثر ماقدر يرقى سنودي من هو اللي شايلٍ للشعب همه واهتمامه ومن هو اللي بعد جود الله على شعبه يجودي هامةٍ يذكر بها التاريخ ماهي باي هامه تشهد الافعال والاقوال والعالم شهودي ذاك عبدالله زعيم العرب زيزوم الزعامه خادم البيتين راع المجد جعله فالوجودي واصلٍ لقصى بقاع الارض قدره واحترامه مدّيٍ كل الحقوق وباذلٍ كل الجهودي من يواجه معضلات العصر في عزم وصرامه شامخٍ واقف بوجه الصعب في وقفة صمودي افتخر به دام راسي لابسٍ فوقه عمامه وافتخر في راية التوحيد والبيرق سعودي ليلان الرشيدي- بلدية تمير
