بشروا روضة خريم وبشروا قصر اليمامه البلاء ولى وعاد النور واتبدد ظلامه حزةٍ فيها ظهورك يابو متعب بالسلامه كل واحد ترتسم على محياه ابتسامه طلتك تشبه نهار الوسم لطلت غمامه نبتهل بين انتهاء صوت المنابر والاقامه الله يديمك بخير وعافيه والعز دامه من هو اللي شايلٍ للشعب همه واهتمامه هامةٍ يذكر بها التاريخ ماهي باي هامه ذاك عبدالله زعيم العرب زيزوم الزعامه واصلٍ لقصى بقاع الارض قدره واحترامه من يواجه معضلات العصر في عزم وصرامه افتخر به دام راسي لابسٍ فوقه عمامه وارفعوا باسمى تهاني مجمل الشعب السعودي والفرح عم البلاد من الحدود الى الحدودي يوم يعلن عن زوال الشر جعله ما يعودي من تلقينا الخبر وأفراحنا زودٍ بزودي قبل لا تسقي جفاف الارض تسقي للكبودي بالركوع نعظّم الخالق وندعو بالسجودي ياسناد اللي تعثر ما قدر يرقى سنودي ومن هو اللي بعد جود الله على شعبه يجودي تشهد الافعال والاقوال والعالم شهودي خادم البيتين راع المجد جعله فالوجودي مدّيٍ كل الحقوق وباذلٍ كل الجهودي شامخٍ واقف بوجه الصعب في وقفة صمودي وافتخر في راية التوحيد والبيرق سعودي ليلان حامد الرشيدي
