عطش كل السنين اللي مضت مايحتضر لولاك سقيت القلب وعروقه بقيمة عشق مرتني أحبك بانت بعينك قبل لا ترتسم بشفاك نطقتيها وشوفي وين عن دنياي ودتني طريق من الغلا ممدود لاخر منتهى الافلاك خذتني له وأنا هايم ولك مشتاق ردتني وجيتك مبحر بالشوق وعيوني على مرساك عواصيف الوله ياما من الحرمان هزتني لقيتك شاطي ومرفا تذوب لحضنه الاسماك رميتي كل حمل كان يثقل بالشقا متني مثل ما الشمس تسمح للشعاع يغازل الشباك فتحتي لي حنايا الشوق وبتحنان ضمتني سقيتي قلبي الظامي قراحك وارتشف من ماك رويت وقلت لملمني على كيفك وشتتني وعطش كل السنين اللي مضت مايحتضر لولاك أنا وشلون افوتها سحابة عشق مرتني
