جوال الميدان

مجول: ابشر وانا مجول بعلوم السعد.
* جوال: عطنا علوم الخيل يا راعي الخيل؟
مجول: تاج البطولات تنتظر خطابها اليوم.
* جوال: وش علوم ترشيحات الربع؟
مجول: طاش وما طاش.
* جوال: والزبدة؟
مجول: عودة شودة وطالع,, ما خلت فيها زبدة يا جوال.
* جوال: يقولون جياد (المساندة) هي مفتاح الفوز؟
مجول: المساندة والا البسميكر؟
* جوال: ما هي بلحية بسميكر اليوم,, يا مجول؟
مجول: والخيل اللي بتقوم راس؟ وش تسميها!!
* جوال: اللي يتقدم راس واللي عليها العلم ما هي غريبة عليها لو نصت الكأس.
* مجول: وجياد الدخول؟
جوال: المقضوبة والا المسنودة؟
* مجول لا يا (دلهوسي) هذي شعبة والا خدعة.
جوال: ما علي في الحكي كل مواصفات الخيل السبق مجتمعة في هالشوط وعقب السباق أذكرك بالخدعة.
* مجول: كاس ابو تركي زرقاء والا بيضاء يا جوال؟
جوال: بالنصيفة!!
* مجول: والأقرب؟
جوال: رقم طالع في البطولة الاخيرة (خارق) وان جابه ولد مليار ما هي غريبة.
* مجول: والاخطر.
جوال: ولد شقران واللي فعله في هذا الموسم ظهر!!
* مجول: والأقرب الأخطر؟!
جوال: الفرس الحمراء.
* مجول: الحمر ثنتين يابو الأجوال؟
جوال:القنص بالركادة؟
* مجول: والتسرع؟
جوال: شطارة؟
* مجول: وآخر العلوم؟
جوال: كأس أبو تركي ياسعد من نالها.
(جوال ومجول)