جوّال الميدان

مجول: علوم السعد بتشريف فارسنا وسندنا سمو ولي العهد.
جوال: أشوفك زملان؟
مجول: اللي ما يزمل ما هو براعي خيل يا جوال.
جوال: توقع مفاجآت من العيار الثقيل في سباقات الليلة؟
مجول: خل عنك المفاجآت عمري اني راكض معهم؟
جوال: أنت يا مجول وش عندك يا حسرة؟
مجول: أنا خيال أبو عن جد وجد والا أنت خلك في نغماتك.
جوال: لا تجي كلك انا نسيت انك خيال بدون سرج.
مجول: خل عنك السرج ليتها على العدلات كان كأس الخيالة السعوديين عند اخوك! مجول.
جوال: الا وش سالفة شح الخيالة السعوديين في هذا الموسم؟
مجول: المدربون ابخص!!
جوال: وعلوم الترشيحات؟
مجول: الازرق مسوكر شوط الانتاج.
جوال: والمنسجم؟
مجول: والله مدرب راكز واخوانه ما استلمه عبث!
جوال: والشوط المارثوني؟
مجول: اللي فعله يسبق اسمه.
جوال: يعني توقعها تتويج مزدوج أزرق وثلاثية تاريخية.
مجول: والله يا مجول في سباقات الخيل كل شيء توقعه؟
جوال: يعني توقع بيسويها الطامحين مسعد وابن الحارث.
مجول: ولا هنت يالصرح.
جوال: الا ما تقولي وش اخرتها مع ها الشركة؟
مجول: اي شركة يا مجول ترى الشركات واجد!
جوال: راح بالك بعيد يا مجول انا اقصد الشركة اللي شربكت الطريق (الوصلة) واللي تروح للجنادرية.
مجول: اللي يستر وتلومني لاخفت روحاتي يم الربع.
جوال: الا على طاري الربع وش علومهم.
مجول: يسددون اللي عليهم من المزاد.
جوال: أجل فيه احد ما سدد الى اليوم؟
مجول: على خبرك بس اخوك يقصد المزادات الخاصة واللي صارت بالجملة هالموسم.
مع تحيات جوال ومجول