جوال الميدان

مجول: يقولون صحو.
* جوال: شفت البرنامج.
مجول: اي برنامج تقصد.
* جوال: برنامج السباق يا مجول.
مجول: راح بالي بعيد وان بغيت ترشيحي شكلها غائمة والسماء شبه صحو يالاخو.
* جوال: كيف غائمة والسماء صحو.
مجول: اقول الله يرزقنا بالمطر.
* جوال: امين بس ما ادليت بدلوك حول الترشيحات.
مجول: ول يا المثقف ترطن عربي.
* جوال: بدينا نخبص الرطانة للخواجات يا مجول.
مجول: على طاري الخواجات وقل ما قالها مجول اللي يتصور مع الكأس خيال سعودي.
* جوال: الله يسمع منك بس الفرصة هي تعطالهم.
مجول: تحضر وتغيب!!
* جوال: يقولون الكأس للحمراء.
مجول: اي حمراء فيهم حدد يا بو الأجوال؟
* جوال: وش اللي لفت انتباهك يا مجول في شوط الذهب.
مجول: الازرق لعبها صح.
* جوال: الا ما تقول برمجها صح.
مجول: خذني على قد عرفي يا المحمول.
* جوال: هذا اسمي عند اخوانا المصاروة يا شيخ مجول.
مجول: عودنا على طير ياللي يا النقال.
* جوال: ما علي في الحكي,, قاعدة الازرق صلبة وفيرة ونجومه كل يقول الكأس عندي.
مجول: يعني توقعها زرقاء.
* جوال: وليش لا الزرقاء يا صعب ضربتها.
مجول: وبقية السباقات؟
* جوال: بينعرف راعي النفس الطويل.
مجول: ومسافة السباق الناري في مصلحة من؟
* جوال: للي بينحاش؟
مجول: ام ينحاش كثر منها؟
* جوال: ودور البسميكر؟
مجول: اسكت يا معود ما تودنا ها السالفة تخلص.
* جوال: وآخر العلوم.
مجول: عسى عمر ابو متعب لنا يدوم.
مع تحيات جوال ومجول