نقطة التحذير

سكوتي وصمتك سبّب لحبنا تخدير
هجرت وهجرت وكلٍ يموت بالثاني
ترا هالتعزز سبة البعد والتهجير
أصل حزنك الطاغي وهو مصدر احزاني
لنا مدةٍ عن بعضنا وارتوى التقصير
ترا الخاسرين احنا وهذا العمر فاني
نعاند وفي حد الجفا نجرح التقدير
أكابر وانا بك مغرمٍ وانت تهواني
ترانا وصلنا بالهجر نقطة التحذير
وانا قاتلٍ نفسي لو انك تحداني
ذبحنا الشغف وقلوبنا علها التفكير
وانا ما قدرت أنسى وصعب أنت تنساني
تعبنا ولا شفنا لنا امن التجاهل خير
حصيل الجفا وش هو؟ تعاني وانا اعاني
تولا الشقا امرك اذا طول التأخير
وابمطر دموع اروي ثمر واسقي اشجاني
مدام الغلا طاغي ولا ينفع التغيير
وبالك معي دايم وذكرك على لساني
وش الفايدة قلي من الصد والتقصير
وكلٍ على ما قيل: ميت على الثاني