القهوة

يكثر على كل المنابت مطرها
ويكثر طلوع اشجارها والمحاصيل
حتى يزيد ايرادها من اديرها
حيث انها كيف وقبال الرجاجيل
ومجد العروبة بالوقار وفخرها
لا قدموها بغاليات المعاميل
كيف على فنجالها من حضرها
وفنجالها يوم المعارك على الخيل
يشعل حماس أهل السطر في سطرها
من يشربه ينطح جموع مقابيل
ويرمي ابروحه للخطر من سكرها
وكم ضاف اهلها بالدجى ساري الليل
لا ولعة وقت الغداري انيرها
وتجمع ارجال ودهم بالتعاليل
ويطيب من طيب السوالف سهرها
وايضا ترى صدر الذي شاكي الميل
وزادت هجوسه لين طمه بحرها
وصار يتجلد وده ابشدة الحيل
يلقى علاجه دلته لا حكرها
الى شرب منها ثلاثة فناجيل
هدى طنى نفسٍ تشتت افكرها
يلقى لها تحليل لو تنحر اسهيل
ولو غربة مع النجوم وقمرها
والحمد للي حلل الكيف تحليل
وحرم على النفس التقية ضررها
ولا يكفي القهوة تواصيف ما قيل
رمز الكرم عند العروبة خبرها
صالح علي الحربي
ساق الجواء