طالبك

ليت لي حيله وأجي وأحتال بك
وليت ما قلت بحياتي ليتني
يابري حالي ليامن مال بك
التغنّج والدلع... لا جيتني
دوم أحس إنه نعاسك غالبك
معنّي رموشك.. وأنا عنّيتني
بس.. ذا المرة ما طاب الفال بك
جيت ولدرب الجفا حديتني
لكن أسمع هالشعر وش قال بك
دام صبت اللي تبي وأخطيتني
الغلا حقك ولاني سالبك
أبسط حقوقك ولو مليتني
شوف عيني يوم دمعي سال بك
ضمتك حتى ولو أبكيتني
وأنت رغم إني شغلت البال بك
سلت مع دمعك ولا ضميتني
كان به شيٍ عليّه قالبك
بطلبك حاجه إذا خليتني
لانويت تحب غيري.. طالبك
لا تحبّه كثر ما حبّيتني
شاعر كويتي