ريق الضما

ما بلّ ريق الضما.. فالبيد طرد السراب
شح السما بالمطر والارض وجهه دهر
يا كوكب الارض ما تحتاج.. مزن السحاب
وثلاثة أرباعك الماء.. بين: بحر ونهر
(أنته وأنا) ذا قدرنا.. نسأل بلا جواب
لو نخفي الحزن من فوق الملامح ظهر
يلوح/ برق الأمل ويحول دونه ضباب
لا هل مزن السحاب ولا سلمت السهر
لو الزمن يحسب لشرهة: عزيز الجناب
ما أعطى وجيه النوايا البيض كتف وظهر
شابت رموش العيون اللي كحلها الغياب
واغلب هقاوي عزيز النفس ماتت قهر
تدري متى تستريح من الشقا والعذاب؟
استغفر الله/ خفا.. واستغفر الله/ جهر
يا حاسدي خصمك الله.. في نهار الحساب
شوكٍ زرعته بدربي صار.. ورد وزهر
أنت اصغر بعيني.. من جناح الذباب
وانا خطبت الشموخ.. وسقت عمري مهر
* شاعر سعودي