( نهار الحساب )

من جديد الشاعر غلاب بن عايض هذا النص الذي خص به قراء (ملامح صبح) .ومع شكرنا له ، ندعوكم لمشاركتنا قراءته حيث يقول:
ما بلّ ريق الضما فالبيد طرد السراب
شح السما بالمطر والارض (صارت ) دهر
يا كوكب الارض ما تحتاج مزن السحاب
وثلاثة ارباعك الماء بين بحرر ونهر
( انته وانا ) ذا قدرنا نسأل بلا جواب
لو نخفي الحزن من فوق الملامح ظهر
يلوح برق الامل ويحول دونه ضباب
لا هل مزن السحاب ولا سلمت السهر
لو الزمن يحسب ل شرهة : عزيز الجناب
ما اعطى وجيه النوايا البيض كتف وظهر
شابت رموش العيون اللي كحلها الغياب
واغلب هقاوي عزيز النفس ماتت قهر
تدري متى تستريح من الشقا والعذاب
استغفر الله خفا واستغفر الله جهر
يا حاسدي خصمك الله في نهار الحساب
شوك (ن) زرعته بدربي صار ورد وزهر
انت اصغر اصغر ب عيني من جناح الذباب
وانا خطبت الشموخ .. وسقت (دمي) مهر