خلك بالأعماق

ياحبها خلك بالأعماق ثابت
خلك ولو تنزعك كل المخاليق
خلك مثل زرع ليامات نابت
وأدفق بها بين العروق المغاليق
مامثلها ياحب للقلب طابت
مثل الشهد معشوقتي تعذب الريق
ياحبها مايوم ضنت وخابت
كل الوعود بقولها دوم تحقيق
بعيونها الأفراح شعت وجابت
وبعيونها باب الفرج يبعد الضيق
مثل الليالي لابدا البدر شابت
تضوي بعمري وبشعوري توافيق
أسرح بها عن كل كل الثوابت
وارسم لها صورة وفا للمواثيق
أهيم فيها وصدق الاشواق ذابت
وأحسها قطعه بوسط المعاليق
أروع من الروعه ليا أخطيت صابت
ملاك تدفق بالاحاسيس تشويق
أحتاجها مثل المطر للنوابت
واحتاجها مثل اللقا للمفاريق
معها جروح الياس فرت وهابت
ومعها الأمل يضوي بعيني بواريق
يغيب عمري لاطرى البين غابت
وان عشت بالظاهر دلوه ومافيق
فرحه معي تنزع جميع الكوابت
فرحه أعايشها حقيقه وتصديق