يازين لحظات الفرح والتوافيق

لا حل حزني وامتلى خاطري ضيق
يصير ريقي كن ما فيه قطرة
بعض الحزن لاجاك نشّف لك الريق
وتصير حالك بعض الاحيان خطرة
يازين لحظات الفرح والتوافيق
نسماتها تجيك شرحة وعطرة
كن الفرح لا من وصل للمعاليق
ارضٍ يبللها من المزن مطرة
وكن الفرح ضحكة بوجه المطاليق
يوم الكرم يقضي من الجود وطره
والحظ لو يضحك لكل المخاليق
ماشفت من يمشي على الأرض بطرة
والا حظوظ ابن آدم ان جت بتغليق
لا بده يولّي على الصبر شطره
يا كثر ما تضحك حظوظ المطافيق
وحظ الحبيب يموت ماجاه قطرة
عبدالله سليمان العمّار