قولي أبنسى

مع احترامي لدمعة عينك وجرحي
ما أنتي بقد الكلام اللي تقولينه
استسمحي من قساي وطاولي صفحي
وابكي.. وحد المعاتب لا تَعَدّينه
ترى الزمن ما خذا إلا الحزن من فرحي
وأنتي بقى في وداعك شي تخفينه
اصحي من الماضي اللي يعتريك اصحي
قلبي خذلته وطاح الحب من عينه
فيك انتحى الليل يا وجه ٍ ملا صبحي
واخترت أجازيك صمتٍ تستحقينه
إن كان ما تستريح أشواقك استرحي
على ضفاف الغياب اللي تخافيه
واسترجعي كل ذكرى واكتبي وامحي
للشاعر اللي كبرتي في دواوينه
وقولي لنفسك أبنسى جابر البطحي
وروحي وسوّي بعدها اللي تسوينه