شهقة انفاس

يا ما انشرخت بداخلي ما حد حاس
ويا ما صرخت الوقت يا وقت طعني
يا شينها لا مر حرفي بلا احساس
ودي بياضك يا ورق يبتلعني
العمر جرح خفت لا احويه كراس
واللي قراني صفحة ما قطعني
يلوذ بي عن دفتر الغم والياس
وإلا على نعسة عيونه وضعني
أسهر أصحي وجيه غرقانة نعاس
وأجهر على غيري ومحد سمعني
من كثر ماني منصدم بأكثر الناس
كم تهت أي الناس بالجرح معني؟
ويل الزمن ما عاد به شخص حساس
اللي تملا نظرتي ما دمعني
أخذت من بعض التعب شهقة أنفاس
وكني زفرت الليل من دون لا أعني
النجم طاح وعج بالليل قرطاس
واللي منعهم عن حروفي منعني
ما عاد لي سكة بها الوصل وتداس
وقت خذا مني الخطاوي ودفعني
إذا طروا فرقاي يا خوي لا باس
قل للعيون الناطرة تقتلعني
تغمض يطيح من السهر جمع حراس
وتلوذ عن ليل بحزنه طبعني
يا شين هذا الوقت جارح بلا قياس
طاف الكثير ومرني وانتزعني
ويا شينها لا مر ذكري بلا احساس
خايف سوادك يا زمن يبتلعني