... والضد يظهر حسنة الضد

نامت عيون المستريح ولا لقا السهران راحة
والليالي المؤرقة بالحزن لبسته سهرها
بات في صدر الشقاء والصبر وعزومه كفاحه
عارف الأيام ما يسلم ابن آدم من خطرها
علي الريض
انا لو غاب صوتي لاتحملني عتاب ولوم
انا ماكل يوم لابغيت اكتب لقيت الهام
انا ما اسوم وجهي لاجل كفي تاخذ المقسوم
انا شاعر في صدري بحر وفي خافقي نهام
يوسف العصيمي
الوقت لا من تغير هذي فعوله
اما لعب لعبته والا تحداني
أبواب مقفلة ودروب مجهولة
وإذا تبي كل حاجة لازم تعاني
عطا الله فرحان
وجع حب وجع شعر وجع شوق وجع ضيقة
على كيفك هاك واختار سلة أوجاعي
غلا وأسمع نزيف الجرح كلام الصمت ما أطيقه
أنا محتاج أسولف لك عن أول وآخر أوجاعي
سليمان المانع