يا بنت

يوم الغي هبت هبوبه
ماني على غي المحبين محتال
بردك لو اهتز الثمام لجنوبه
ما هز لك في ذرة القلب مثقال
ما كل ذنبٍ ينغفر بأي توبه
ولا كل توبه تغفر الذنب فالحال
دوب القصيد انحاز للصدق دوبه
ودوبي عطيته مهجتي عقل وهبال
وقل للذي يدرك معالم ذنوبه
الناس عادات وتقاليد وأفعال
عيوب غيره ما تغطي عيوبه
ما زال فيه من الجهل كثر ما زال
عليه خطوات الزمان محسوبه
يحسب عليه الوقت لو مال ما مال
ولعين الرضا كل الوجيه مغصوبه
دام المجال الرحب له ضيقة البال
والرجل لو ما يمتلك غير ثوبه
يعرف مداه ان قال وان كان ما قال
ومن لا نفع ربعه إليا استنفعوبه
ما ينحسب وسط الرياجيل رجال